香港新浪網 MySinaBlog 精選話題工具
« 上一篇 | 下一篇 »
yeung | 27th Aug 2011 | 一般 | (2780 Reads)

神秘之北韓 - 香港報團

 今年去北韓這個念頭原於09年溫總去北韓平壤訪問, 當時傳媒破天荒地報導北韓的各樣事物, 最吸引筆者的當然是阿里郎大型表演啦, 但一直以為香港係無旅行社組團去北韓, 直至筆者另外一個朋友跟香港的旅行社去完北韓, 先發覺原來係有團架!!!(一定要跟團, 無自由行) 但最怕係老婆反對, 點知一問之下老婆原來也有興趣去, 綠燈一開, 二話不說就去旅行社報團。 不過經過一輪資料搜查, 原來十萬人的阿里郎只在8月至9月其間表演, 那麼只好再等多2個月, 不過都好, 可以有多些時間準備及攪簽證。

攪北韓簽證真係又煩又要求多, 首先要準備公司請假信正本, 筆者老婆大致上無問題, 但筆者公司係用電子請假, 何來請假信呢, 只好用手填寫請假form再找老細簽, 另外再加一封公司信能夠証明你的工作職位及工作地址, 為何要咁嚴謹起底? 全因北韓是禁止任何傳媒記者進入北韓。另外, 相片要求也很嚴謹, 北韓visa個尺寸比較特別, 但又不可剪裁。筆者今次去北韓係跟星級假期去, 當報團時由一個後生女接待, 問筆者去邊個地方, 北韓是也, 佢當堂唔識點同報團, 要由一個經理去協助及講解要注意事項, 好好彩也填好visa 的表格。

北韓有好多野都唔可以帶入境, 所以要準備的東西都不算很多, 北韓係嚴禁帶手提電話, 電腦, 長鏡頭, 資本主義書籍入境。筆者原本想帶ipad也只好放棄,  DSLR是可以帶的, 但長鏡頭也只好留在家, 不過好好彩找到支 18-200, 總算可以接受啦。 另外, 筆者準備了一些零食及杯麵, 聽聞北韓鬧飢餓, 我也要準備一些後備食糧。 

 Picture


[1]

Hi, 請問你是報邊個香港團的?Thx!


[引用] | 作者 DPG | 28th Jul 2013 | [舉報垃圾留言]

[2]

請問香港邊間旅行社有北韓團?tks.


[引用] | 作者 Ling | 1st Dec 2013 | [舉報垃圾留言]